Wala sang mahimo ang local government unit angot sa kamanduan ni Pres.Rodrigo Duterte nga pagpasarado sa mga investment scam kapareho sang KAPA dire sa Mindanao tungod pareho man suno pa ini sa war on drugs nga kon mag-intra ang mga local officials ang madudahan nga imbolbado kag malakip sa mapasakaan sang kaso. Ini ang nangin panan-awan ni Outgoing South Cotabato Governor Daisy Avance Fuentes.
May-angot sini, wala nagapati si Governor Fuentes nga napolitika ang nasambit nga tikang sang national government sa subong batok sa mga investment scheme tungod sa kadamo sang miyembro maapektuhan gid ang political career sang isa ka kandidato kag natrigger lang ang interview ni Pastor Quiboloy kay Presidente Duterte angot sa nasambit nga isyu.
Ginpahayag man sang gobernadora nga wala man suno pa sya nagkulang pahanumdom sa mga pumuluyo nga maghalong sa pagsulod sa mga investment scheme.
