Isa ka adlaw, antis sang deadline sang clearing operation nga mandu sang Deparment of Interior and Local Government – DILG, nagapadayon ang pagpangkakas sang mga LGUs sa probinsya sang Negros Occidental sabmga obstruction kag illegal structures.
Sa interview sang RMN-DYHB sa mga alkalde sang apat ka syudad sa probinsya, ginpahayag ni Mayor Nicholas Yulo nga yara na sa 80 porsyento ang syudad sang Bago.
Suno naman kay Mayor Bading Escalante nga 90-95 percent na ang syudad sang Cadiz.
Ang syudad sang Kabankalan ang 70-75 percent suno naman sang Mayor Zayco.
Samtang, INDI naman ma-estimate ni Mayor Mark Golez kon pila na ka porsyento ang accomplishment sang syudad sang Silay, apang ginhayag sini nga nagapadayon ang clearing operations sa nagkalain-lain nga barangay.
Nahibalu-an nga pagkatapos sang deadline sa Setyembre 27, magapatigayon gilayon sang inspection ang validation team nga gin-tukod sang DILG.
