Roxas City, Capiz – Isa ka 64- anyos nga lalaki, residente sang BayBay, Roxas City kag nagatrabaho sa Libas Fishing Port ang nag-positibo sa CoVid-19.
Sadtong Agosto 12, siya ang ginhilanat rason nga ini ang personal nga nagdisesyon nga mag-obserbar sang home quarantine.
Sang Agosto 15 siya nagpasaylo sa facility quarantine kag nagpaidalum sa swab testing. Siya sa subong na-admit na sa Roxas Memorial Provincial Hospital(RMPH).
Bangud sini nga hitabo, nagdesisyon ang pamunoan ni City Mayor Ronnie Dadivas nga ipatuman ang mga masunod:
Una, guilayon nga pagpasarado sang opisina sa Libas Fishing Port.
Ikaduha, pagdumili sa mga fishing boats nga magpalawod sa sulod sang apat (4) ka adlaw.
Ikatatlo, ang mga yara na sa lawod subong pagatugutan pa nga magdungka kag mag-ariya sang ila mga isda sa masunod nga duha ka adlaw apang kinahanglan magsunod ang tanan sa istrikto nga physical distancing. Samtang ginkordon man ang lugar nga patigayunan sang auction.
Ang Roxas City PNP, Maritime Police, Coast Guard kag Bantay Dagat ang magapatuman sang mga guinbutang nga polisiya kag direktiba.
Padayon naman ang contact tracing samtang siguruhon nga sila magasalang sa nagakaigo nga mga tests.
photo(c)- Upod Kita Ronnie Dadivas FB page
