*Liboan ka mga aplikante alang sa nagkalain laing trabaho dinhi sa syudad ug sa gawas sa nasud, ang midagsa sa Capitol grounds human niini gipahigayon ang usa ka adlaw nga Jobs Fair.*
*Kini giunhan sa Public Employment Services Office kon PESO sa Misamis Oriental, kung asa miabot sa liboan kapin ka mga rehistradong aplikante ang nalista sa ilang buhatan.*
*Gibutyag ni Zorobabel Wabe Rabe, ang PESO officer-in-charge nga atol sa Jobs Fair, lima gilayon ang na-hire on the spot ug 193 ang qualified alang sa sunod nga interview samtang 37 usab ang wala nakapasar tungod sa problema sa panglawas.*
*Dugang pa ni Rabe, nga walay na-hire on the spot alang niadtong mi-aplay alang sa gawas sa nasud apan adunay 358 ang mi-qualify nga motrabaho sa abroad.*
*Naglangkob sa mga trabaho nga gikinahanglan sa gawas sa nasud mao ang office staff, welder, electrician, service crew, domestic helper, waiter, driver, plumber, data encoder/clerk ug pipe fitter. *
*By; Radyoman Aiza Enloran and Ellah Baculio *
