Malaybalay City, Bukidnon – Mopahigayon na usab ug “Brotherhood Operation Sweet Smile (Project BOSS), free cleft lip and palate surgery” kon libreng operasyon sa mga bungi ang Provincial Government of Bukidnon sa umaabot Disyembre 6 hangtud 9 ning tuiga sa Bukidnon Provincial Medical Center ning dakbayan sa Malaybalay.
Ang maong kalihukan gitagana alang sa mga bata, tigulang, babaye o lalaki nga nag-edad sugod ug 4 ka bulan pataas.
Alang sa mga gustong magpa-opera, mahimo kamong mobisita sa inyong pinakadoul nga Bukidnon Provincial Hospital (BPH) o sa mga Rural Health Unit (RHU) sugod karong adlawa, Oktubre 23 hangtud Disyembre 4, 2017 ug magdala lamang sa mga musunod nga mga dokumento:
1. Birth Certificate sa pasyente,
2. Marriage Contract sa mga ginikanan, 3. Social Case Study gikan sa Municipal Social Worker ug 4. Certificate of Indigency gikan sa Kapitan sa inyong baranggay.
Ang “operation sweet smile” gipaluyuhan sa Bukidnon Provincial Medical Center, Project BOSS, Bukidnon Free Masons, 403rd Infantry Brigade, Philippine Army, RMN-DXMB, CDO Agila Shriners ug PNA Bukidnon.
Kini nga pahibalo gipadangat pinaagi sa sulat komunikasyon ni Dr. Henry Sulpicio M. Legaspi, Jr.- BPMC Chief of Hospital ngadto sa Provincial Government of Bukidnon.
