Sikop sa gihimong buy bust operation sa Palmera, Barangay Santo Rosario, Iligan City, Lanao del Norte mga alas singko sa hapon niadtong Sabado ang High Value Target o HVT drug personality sa maong siyudad.
Ang maong operasyon giunhan ni Philippine Drug Enforcement Agency o PDEA 10 Director Wilkins Villanueva uban ang pwersa sa Provincial Special Enforcement Team sa Lanao del Norte, PDEA ARMM, kapolisan sa Lanao ug Iligan City.
Suspek nailang si Macalayon Mangondaya Tataro kinsa usa ka HVT/ Licensed Professional Teacher.
Nakuha sa posisyon ni Mangondaya ang kapin kon kulang unom ka gramo sa shabu nga nagkantidad sa 40, 800 pesos ug lain pang upat ka sachet nga napalit gikan sa iyang posisyon atol sa maong operasyon.
Ang mga ebidensyang nakuha gidala na sa Pdea Regional Laboratory Office alang sa qualitative and quantitative examination ug ang suspek temporaryong gi detain sa PDEA-10 detention cell samtang giandam pa ang kasong paglapas sa RA 9165 o Comprehensive Dangerous Drugs Act of 2002.
