Gipakita ni Mayor Oscar Moreno nga dominante pa karon ang iyang liderato sa politika sa Cagayan de Oro.
Kini nasukod human gipilde ni Kapitan Yan Lam Lim sa Barangay 40 si Kapitan Conrad Lim sa Barangay 33 atol sa gihimong election sa Liga ng mga Barangay dinhi sa Cagayan de Oro nga gipagayon sa Grand Caprice Restaurant.
Atol sa maong election, nangharos ang grupo ni Kapitan Lim kay walay bisan usa sa grupo ni Kapitan Condrad nga nakadaog sa maong eleksyon.
Si Kapitan Yan Lam Lim, alias Alam, midaog ug nakakuha sa 46 botos samtang si Kapitan Conrad, nakakuha sa 34 botos lamang sa 80 ka mga kapitan ning syudad nga mibotar sa maong eleksyon.
Si kapitan Alam Lim, nga incumbent Ex oficio member sa City Council, mipabati sa iyang dakong pasalamat ni Mayor Oscar Moreno, Conmgressman Rolando Uy, Vice Mayor Rainer Jaoquin Uy, majority member sa City Council ug sa tanang kapiotan ning syudad, nga nagpaloyo sa iyang kandidatora.
Matud ni Lim nga human sa iyang kada-ogan, iya nang gilimtan ang ka-init sa politika., sabay sa iyang pag-ingon, nga iyang ipadayon ang iyang mga nasugdan nga mga trabaho sa City Council alang sa dugang pagserbisyo sa kabarangayan.
Sa mao gihapon nga election, gipilde ni kapitan Marlo Tabac si barangay Gusa, si kapitan Pedro Balite sa Barangay Kauswagan
Si Tabac nakakuha sa 45 botos samtang si Balite nakauha sa 35 botos.
Si kapitan Kim Clark Yap, nga walay kontra, napili isip Auditor sa Liga ng mga barangay sa Cagayan de Oro, ug nakakuha sa 72 votes.
Lakip sa mga Board of directors nga napili sa maong election sila si Apolonar Bonete sa barangay 29, nga naklkakuha sa 44 votes, Marycor Calizo sa barangay Patag, 44 votes, Andrew Mellieza sa barangay Agusan, 44 votes, Maximo Allorin sa Iponan, 43 votes, Billy Kids Auza sa Tablom, 42 votes, Rixie Tinampay sa Puntod, 42 votes Alexander Torralba sa Lumbia 42 votes ug Fancisco Laihee sa barangay 14, nga nakakuha sa 41 votes.
