General Santos City— Nagpahigayon ug lihok protesta ang pipila ka mga indibidwal atubangan sa hawanan sa konseho aron ipanawagan ang pagbakwi sa concurrence nga gihatag sa PCSO aron maka-operate ang trento gaming corporation ug STL.
Sumala kang Alyas Dodong nga ubay-ubay nga mga pagpangabuso ang ilahang nakita sa kapin bulan nga oprasyon sa stl sa dakbayan. Pamahayag niya nga dili benipisyo kundili sakripisyo ang naangkon sa katawhan sa dakbayan gumikan sa operasyon sa STL.
Dugang pa ni Alyas Dodong nga dili na kinahanglan ang STL sa dabayan gumikan ug basihan lambo man ang ekonomiya ug kaya man sa lokal nga panggamhanan nga mahatag ang benipisyo alang sa katawhan.
Gihingsusgan niini nga dako gyud silang supak sa operasyon sa stl ug kung wad-on matud pa ang stl, kinahanglan tanang matang sa sugal sa dakbayan ang wad-on usab hilabi na nga ang illegal nga last-2.
Sumala niya nga ang ilahang concern mao ang kaugmaon sa mga kabataan gumikan sa nagkuyanap nga mga sugal sa dakbayan.
