Usa ka barangay matag munisipyo sa probinsya sa Camiguin ang napili ug na-nominate sa local government units kinsa dunay tsansang makaangkon sa Seal of Good Local Governance o SLGL sa barangay level.
Ang mga barangay sa lima ka munisipyo sa probinsya kinsa mipaiubos sa assessment ug on-site visit sa municipal assessment team gilangkoban sa barangay Liong sa Guinsiliban, barangay Balite sa Sagay, barangay Hubanon sa Mahinog, barangay Poblacion sa Mambajao ug barangay Mainit sa Catarman.
Ang SGLG alang sa mga barangay nag-engganyo nga mapalambo ang pagka-responsable, transparensiya, pagsalmot sa mga aktibidad ug epektibong pangatungdanan.
Samtang, gihimo ang ebalwasyon pinaagi sa documentary review, interview ug on-site inspection aron masiguro nga sakto ang mga datus nga nakuha.
Aron maangkon ang SGLG award, dunay tulo ka mga basehanan nga mao ang peace and order, financial administration ug disaster preparedness.
Lakip na usab niini ang Social protection, Business-friendliness ug Competitiveness and Environmental management.
Alayon niini, padayong giaghat sa Department of Interior ang Local Government o DILG ang mga LGU nga mohatag sa maayong pagserbisyo sa katawhan sugod sa barangay level.
