Lunsay patay ang lima ka mga menor de edad nga mga estudyante matapos malumos sa dagat sa barangay Bacay, Dumangas, Iloilo kaina sang aga.
Ginkilala ang mga biktima nga nagkalalumos sanday John Carlo Lopez, 16 anyos kag ang manghod sini nga si Stephen sang Sta. Maria, Bulacan, Ken Segura, 16 anyos sang barangay Lacturan, Dumangas kag Roger Bautista sang Victorias, Dumangas.
Samtang ulihi nga nakita ang lawas ni Voltaire Jed Derutas, 15 anyos sang Lacturan, Dumangas.
Ang mga biktima lunsay Grade 9 students sang Dumangas National High School.
Ginpahayag nga naghinagaday ang mga biktima nga magpaligo sa dagat apang nagkalalumos matapos hinali nga nagbaskog ang balud .
Suno sa himata sang mga biktima naligo ang lima sa baybay apang hinali lang nagdalagko ang balud nga nag-anod sa mga ini.
kaupod ang lima sa grupo nga nagsaulog sang debut sang isa nila ka abyan.
