Lima ka suspek sa pag-ambush sa bise-mayor sa lungsod sa Dinas niadtong 2005, nadakpan

533

San Pablo, Zamboanga del Sur – Human sa pagtago-tagu sulod sa 14 ka tuig hingpit nga nahulog sa mga kamot sa otoridad ang lima ka pinangita sa balaod dihang nasapon sa gilusad nga joint police operation alas 7:00 kagahapon sa buntag sa Ticala Island sakop sa lungsod sa San Pablo niining probinsya sa Zamboanga del Sur.
Nag-ipon og puwersa ang personahe sa San Pablo Municipal Police Station nga gipangunahan ni Police LT. ROQUELITO OTERO uban ang tropa sa Zamboanga del Sur Provincial Intelligence Branch nga gipangulohan ni Police Major OSCAR BUENAOBRA, kaabag usab ang ginsakpan sa 902ND Regional Mobile Force Battalion 9 ug 903rd Maritime Police.
Sa interview sa RMN-Pagadian kang Lt. Otero, nadakpan sa maong operasyon ang mga wanted persons nga sila si Hamid Samal, 58-anyos, usa ka mananagat, Nazer Bakaki, 46 -anyos, mag-uuma, Hanape Nasa, 46 -anyos ug Abdulgapur Samal, 62 -anyos, pulos lumulupyo sa Purok Pasague, Ticala Island San Pablo.
Gidakop ang mga akusado pinasikad sa gahom sa Warrant of Arrest sa kasong Multiple Murder with Double Frustrated Murder ug Attempted Murder nga gipagawas sa sala ni Judge EDILBERTO ABSIN sa 9th Judicial Region, Regional Trial Court Branch 29 San Miguel Zamboanga del Sur pinitsahan Marso 8, 2007 ang mga dinakpan wala tugoti sa korte nga makatunol sa ilang pyansa.
Lakip nga nadakpan si Kamid Maliga, 47 -anyos nga nag-atubang sa kasong paglapas sa Akta Republika 8550 kun “_THE PHILIPPINE FISHERIES CODE OF 1998”_ ug paglapas sa Presidential Decree 1613 kun kasong Arson nga gitugotan sa korte makatagmtam sa temporary nga kagawasan kun makatunol sa pyansa nga mokantidad sa 20,000.
Ang lima ka dinakpan kasamtangan nga gitangong sa San Pablo Municipal Police Station detention cell.

Facebook Comments

From Advertisers