Davao City – Gilugwayan hangtud sa Hulyo 31, 2021 ang liquor ban ug curfew sa syudad sa Davao subay sa Executive Order (EO) No. 30 Series of 2021 o “An Order Extending Until July 31, 2021 The Liquor Ban And Curfew Within The City.”
Ang maong direktiba magsugod sa Mayo 31, 2021 diin ang maong regulasyon ginapatuman na usab subay sa Section 21 sa Executive Order No. 12-B, Series of 2021.
Sa direktiba, epektibo ang liquor ban sa tanang pampublikong lugar matag adlaw, samtang ang ang curfew sa pampublikong lugar gikan alas 9:00 sa gabii hangtud alas 4:00 sa buntag matag adlaw apan exempted niini ang mga naga-trabaho ug naga-negosyo sa maong oras.
Gipasabot ni Davao City Mayor Sara Duterte-Carpio, kinahanglang i-extend ang curfew ug liquor ban aron nga ma-regulate ang mga aktibidad nga sagad rason sa local transmission sa Coronavirus Disease 2019 (COVID-19) sa syudad.
RadyoMaN Kirby Manzon
