Kini basi sa kamanduang gipagawas kagahapon sa lokal nga pangagamhanan sa Malaybalay.
Basi sa Executive Order no. 172 series of 2022 nga nagmandu pagdugang sa mga health protocols gumikan sa gataas nga kaso sa Covid-19 sa dakbayan, ipatuman ang curfew matag alas 10 sa gabie hangtud alas 4 sa kadlawon, lakip usab ang pagdili sa pagbaligya sa mga ilimnong makahubog sa tanang mga establisyemento ug mga pampublikong lugar, pagpahigayon og sabong ug ang pagrekisito sa vaccination cards pasulod sa mga establisyemento sa dakbayan.
Gilimitahan usab ang lihok sa mga batang nag edad 11 anyos paubos diin makagawas lamang pagpalit sa mga essential goods and services.
Ang maong kamanduan pinirmahan ni Mayor Florencio T. Flores Jr., pinitsahan Enero 12, 2022 nga nagtumong nga maminusan ang pagsaka sa kaso sa Covid-19 sa dakbayan sa Malaybalay bisan paman napailawom pa gihapon sa Alert Level 2 status hangtud Enero 31.
