Bukidnon nagpabilin sa alert level 2 status sa Covid-19 hangtud Enero 31

22
Nagpabilin lang gihapon sa Alert Level 2 status sa Covid-19 ang probinsya sa Bukidnon bisan pa man sa mga indikasyon sa pagtaas sa kaso sa maong sakit.

Kini basi sa kinaulahing update gikan sa Inter-Agency Task Force (IATF) on Emerging Infectious Diseases sugod Enero 14, 2022 hangtud sa katapusang adlaw ning bulana.

Nahilakip sa pagpailawom sa Alert Level 3 sa Mindanao ang mga dakbayan sa Cagayan De Oro, Davao, Butuan, Cotabato ug ang probinsya sa Agusan Del Sur.

Samtang nagpabilin sa Alert level 2 ang ubang mga siyudad ug probinsya nga wala nahilakip sa listahan sa IATF nga ipailawom sa Alert Level 3 sama sa probinsya sa Bukidnon.

Bisan paman sa maong klasipikasyon, hugot gihapon nga panawagan sa publiko sa probinsyal nga pangagamhanan sa Bukidnon nga magpadayon sa pagsunod sa mga sumbanan nga gitalaga sa IATF aron mahilikay sa sakit nga Covid-19 ilabi na ang bag-ong variant nga Omicron.

Facebook Comments