Tricycle driver binaril, patay
Kalibo, Aklan — Patay rong sangka tricycle driver matapos nga binaril it uwa pa makilaeang suspek kaina it aga-aga sa may Toting Reyes St., Kalibo, Aklan particular sa may prente it Christ the King Church.
Ro biktima nakilaea kay Randy Mechabe, sa legal nga pang-edaron, native it Negros Occidental ag presente nga naga istar sa Brgy. New Buswang Kalibo.
Sa inisyal nga report it Kalibo PNP nga kaina nakabaton sanda it tawag halin kay KAP Boradante nga may na nga natabong pagpamaril sa lugar ag eagi man nga gin respondehan ko mga kapulisan sa pagpanguan ni PSINSP. Ronald Paclibar rong Deputy Chief of Police it Kalibo MPS.
Pag-abot sa lugar hay nakita ro biktima nga naga hamyangon sa karsada. Nakitaan it an-um ka mga tama it bala gamit rong cal. 45 nga baril.
Sa makaron hay padayon pa rong imbestigasyon it Kalibo PNP sa nasambit nga insidente kung sin-o rong responsable nga nagbaril ag kung ano rong motibo.
(c) Mdrrmo Kalibo
