[image: IFM 919 Logo (1).jpg]
Naangkon sa suspek nga ex-barangay tanod ang duha ka samad pinusilan sa iyang tiyan human gilusad sa Malapatan Municipal Police Station ang Manhunt Charlie operation ala-1 ang takna sa Sapu Masla, Malapatan.
Giila ang suspek sa pangalang Cares Londong, 49 anyo, minyo og residente sa maong lugar nga nag atubang og kasong frustrated murder.
Base sa impormasyon sa anak ni Londong nga si Cherilyn, tuig 2012 pa napasang at ang kaso batok sa iyang amahan.
Nasayran sa impormasyon sa kapolisan nga narekober nila ang shotgun sa suspek dihang gilusad ang operasyon.
Gikustodiya na karon sa presinto sa kapolisan sa munispyo ang shotgun sa suspek.
Gipailawom sab sa operasyon ang suspetsado human nga gidala sa Dr. Jorge Royeca Hospital.
