Gitunol bag-ohay lang sa local nga pangagamhanan sa Misamis Oriental ang mga kagamitan nga makatabang sa Regional Internal Affairs Service kon RIAS-region ten.
Kini sama sa duha ka mga brand new desktop computers ug duha ka printers.
Gidawat mismo ni Atty. Jean Raiza Genobaten Yano, ang Acting Regional Director sa RIAS ten ang maong kagamitan, uban ni Police Lt. Col. Henry Cay-as, ang Superintendent sa Misamis Oriental Provincial Affairs Service.
Matud ni Atty. Yano, nga dako ang iyang pasalamat ni Governor Bambi Emano, tungod kay luyo sa giatubang nga hagit sa pandemya sa lalawigan, nakahigayon pa gihapon kini sa pagtabang kanila.
Nasayran nga tungod sa maong donasyon, mas makapadayon sila sa ilang pagserbisyo.
