Local nga kagamhanan sa syudad, mohatag reward sa makatudlo sa misabotahe sa linya sa panubig sa Brgy. Indahag.

Mohatag matud pa og reward ang local nga kagamhanan niadtong makatudlo, sa responsable sa pagsabotahe sa linya sa panubig sa Brgy. Indahag ning syudad.

Kini ang gipahayag ni Cagayan de Oro City Administrator Teddy Sabuga-a Jr.

Nasayran nga gipa-imbestigahan na sa Cagayan de Oro City Police Office kon COCPO ang maong panghitabo, gumikan kay taod-taod nang walay magamit nga tubig ang mga residente sa maong barangay.

Matud pa nga nagsugod kini human sa piliay niadtong Mayo trese, busa ila kining gipabantayan sa mga barangay tanod aron dili na mahilabtan ang dakong tubo, nga maoy gaagian sa tubig.