LOCAL SCHOOL BOARD YA PASA RESOLUTION PARA PONE ATENCCION CON EL MGA ESCUELA AFECTAO DEL CALAMIDAD

Ya pasa un resolusyon el Local School Board (LSB) que ta encaveza el alcalde Beng Climaco-Salazar donde ta manda pone atenccion con el mga escuela publica bajo na superviccion del DEpartamento de Educaccion que ta esta delicao el situaccion causa del ya pasa calamidad na ciudad.

Mismo el alcalde Climaco ta empoja este proposisyon desfues que sabe mismo personalmente na su visita na Limpapa Elementary School donde el escuela bien delicao el estado mientras apiqui na gulud y delicao na landslide. Recientamente, ya tumba ya asegun el mismo pader del escuela causa del calamidad ya pasa na ciudad, rason para cumbiene pone atenccion coneste insiguidas el govierno local.

Apelo del alcalde con el DepEd para evalua insiguidas coneste situaccion y hace el necesaryo recomendaccion si fuede busca otro locaccion para man-relocate con el escuela por el esta lejos na peligro el mga bata y maestra que ta enseรฑa na mensyonao escuela. โ€“ *Bhong Simbajon/RMN News*


Facebook Comments