Mihimo na isab nan isa ka Rally kuman udto an mga sakop sa Nagkahiusang Mag uuma sa Surigao del Norte o NAMASUN para utro ipabati an ila mga reklamo kontra sa kasamtangang administrasyon ni Pres. Rodrigo Roa Duterte. Sumaya pa sa ila reklamo na waya matuman sa Presidente an ija mga saad para sa mga mag uuma labina jadton panahon pa sa pagpangampanya nan ini na sila mahatagan nan tabang para mapalambo an ila panginabuhian. Tagsinggit isab sa mga nagrally na unta ihatag na ngadto sa ila an katumanan sa bahin nan mga saop kontra sa mga nanag-ija nan luna sa lupa na ila tagtikad ngadto na sa 60-40 sharing sa abot nan ila tag-uma . Tagsaway isab nila an kasamtangan na pagpangabuso sa mga sundalo na diin sila gipasanginlan na mga supporter nan NPA. Dugang pa sa ila reklamo sanan singgit na unta maundang na an tag implementar na Balaod Militar sa isla nan Mindanao tungod kay isa sila na naapektuhan nn ini.
