General Santos City— Aminado si Police Brig. Gen. Michael John Dubria, PRO-12 Regional Director, nga dili gyud nila pwedeng baliwalaon ang pwersa sa mga walhong grupo nga nagalihukan sulod sa Rehiyon 12.
Kini gumikan aduna gihapoy aktibidad ang mga nasangpit luyo paman sa krisis sa panglawas nga nasinatian sa nasud karong panahuna.
Pag-angkon niya nga dili gyud 24/7 nakabantay ang kapulisan ug militar aron lang masegurong dili sila makahimo ug kasamok apan gipaniguro niya nga kanunay nga naka-monitor ang kapulisan ug militar sa ilahang mga aktibidad.
Gi-awhag usab niini ang tanang sektor nga magpakabana sa pagbantay sa seguridad gumikan dili lang kini trabaho sa pulis ug militar kondili responsibilidad sa tanan nga bantayan ang kalinaw sa kumunidad. (LVR)
