Lockdown sa banwa sang Toboso gin papanaog na sa ECQ

22

Ginpapana-og na sa enhanced community quarantine (ECQ) halin sa pito ka adlaw nga LOCKDOWN nga nagsugod sang Marso 30 sa banwa sang Toboso kag nagtapos sang Abril 5.

Sa interview sang DYHB kay Mayor Richard Jaojoco, ginkasugtan sini upod sa mga kapitanes sang siyam ka mga barangay sa nasambit nga banwa kag gin downgrade na ini sa ECQ bangud wala man sang nakitaan nga sintomas sang covid sa mga pumuluyo sa banwa, apang mas iga striktuhon ukon ila ipatuman ang extreme community quarantine para mapa seguro na gid nga wala sang tsansa nga maka sulod sa ila nga banwa ang makamalatay nga virus.


Dugang sini nga gin kasugtan man sang mga opisyales nga istrikto nga ipatigayon ang schedule sang pag pamakal sang mga tawo sa merkado para mapalayo sa exposure ang mga ini sa virus kag istrikto man nga ipatuman ang pag-abri sang mga balaligyaan nga asta lang sa las dose sang udto.

Pabor man ini nga ma-extend ang ECQ kasubong sang ginahimo sang national government para ma secure gid kag indi na magsulit sulit pa sa sini nga krisis.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments