Giaghat sa lokal nga pangagamhanan sa Malaybalay City ang mga empleyado niini nga makiglambigit sa pagselebrar sa National Women’s Month sa tibook bulan sa Marso.
Pinasikad sa SP Resolution No. 2022-0666 nga giaprobahan di lang madugay, gimanduan ang mga empleyado sa City Hall nga magsul-ob og kolor purple matag Biyernes sa tibook bulan sa Marso isip pag-ila sa National Women’s Month.
Gi-sponsoran ang maong resolusyon ni Konsehal Cecille Pagaling nga giaprobahan atol sa ika-117 Regular Session sa Sangguniang Panglungsod sa Malaybalay.
Ang maong resolusyon namugna isip pagpakita og suporta sa kababayen-an ug pagduso sa women’s rights ug gender equality.
Subay usab sa Proclamation no. 224 series of 1988, gideklara ang unang semana sa Marso isip Women’s Week ug ang Marso 8 isip Women’s Rights and International Peace Day.
Facebook Comments
