General Santos City—Patay ang usa ka lola samtang angol ang usa ka tuig niining apo human silang nabanggaan ug bus sa may national High-way nga sakop sa Dagoc, Polomolok, South Cotabato alas 4:00 sa kabuntagon sa nakalabayng adlaw.
Giila ang biktimang namatay nga si Sarita Obedencio, 56, residenti sa 3rd Road, Barangay Cannery, Polomolok, Samtang giila ang apo niining si Alias Henry, 1 year old.
Sa imbistigasyon sa Traffic Management Unit sa Polomolok PNP nasuta nga nitabok nag mag apuhan sa kalsada dihang kalit matud pa silang gibanggaan sa bus nga iyaha sa Mindanao Star nga gimanihuan ni Leoncio Doydora nga taga davao City.
Tungod sa kusog nga impact patay gyud ang biktima samtang nakaangkon ug samad sa lawas ang apo niini kansa dali nga gidala sa ospital.
Sa karon anaa na sa kustudiya sa Polomolok PNP ang driver sa bus nga nakabangga sa biktima, samtang gihuwat pa sa Polomolok PNP ang desisyon sa pamilya kung pasakaan ba nila ug kaso ang suspetsado.
