Davao City – Nagpatabang ang usa ka senior citizen nga contractor human layasi sa iyang ka live-in partner nga batan-on.
Sa blotter sa Toril PNP, mipatala si alyas ‘Kanor’, 69 anyos, contractor, nagpuyo sa Daliao, Toril Davao City tungod kay gibiyaan sa iyang live in partner nga si alyas ‘Tin-Tin’, 20 anyos ang pangidaron.
Sumala ni alyas Kanor nga kalit lamang mibiya si alyas Tin-Tin sa ilang boarding house nga walay pagpananghid ug gidala pa gyud ang kapin 10 mil ka pesos nga salapi sa iyang pitaka.
Matud ni alyas Kanor nga sige na og kahubog si alyas Tin-Tin matag gabii nga mouli kini gikan sa pagpanuroy uban ang mga higala.
Gidugang ni alyas Kanor nga iyang gipa-blotter ang paglayas sa iyang live-in partner in aron og unsay dangatan niini kung adunay basehan nga milayas kini gikan sa iyang poder.
RadyoMaN Erin Lumosbog
