Malinao, Aklan — Uwa eon makaeampuwas pa rong sangka lolo matapos nga imaw ra hay makuryente kahapon sa Brgy. Manhanip, Malinao, Aklan.
Ro biktima nakilaea kay Renato Imperial y Icabande, 73-anyos ag residente man it nasambit nga lugar.
Suno kay SPO1 Villaruel it Malinao MPS nga sa andang imbestigasyon naga guwa nga kahapon rayang biktima hay nag adto sa baeay ko anang igkampod una malang man maeapit sa anda.
Uwa nana mapan-uhi nga ro anang nahabuytan hay tag service drop halin sa poste paadto sa andang baeay ag raya may putoe rason nga nahakuryente ag dugang pa nga mauean uean kahapon.
Insigida man nga nagtawag sanda sa AKELCO ag pag abot hay gin utod rong linya para nga mabuoe rong bangkay it biktima.
Facebook Comments
