Libacao, Aklan – Sunog ro parte it eawas ag uwa eon it kabuhi rong sangka lolo tag makit-an kabii sa bukid nga parte it Brgy. Agmailig, Libacao, Aklan.
Nakilaea rong biktima kay Celedonio Beltran, 84-anyos ag residente man it nasambit nga lugar.
Na diskubre raya nga insidente matapos nga gin usoy imaw it anang kapamilya bangud nga uwa gihapon naka uli ag rato ro andang nakita.
Sa report nga nabuoe it RMN Kalibo sa Bureau of Fire Libacao nga nag adto rong lolo sa anang kaingin para sug-an ro mga ugang dahon ag kahoy pero ginapatihan nga nalipong ag natumba raya rason nga nasunog.
Uwa man it may nakita nga patimaan it foul play sa kamatayon it lolo suno sa ginpatigayon nga postmortem examination ni Dr. Makarius Tel Aviv Dela Cruz, Rural Health Physician it Kalibo.
