Mga biktima sa sunog an jaun kuman tagpahimutang sa Nueva Gym sa Barangay Taft.Ini human naugdaw an ila mga panimayay sa sunog kagaina buntag sa may alas 9:10 kapin kon kuyang.Sumaya pa na sa kakalit na pagkuyanap sa kayajo arang na mga panimayay an naugdaw tungod sab kay ini kasagaran mga light materials.Sa pinakabag o na impormasyon na nakuha sa RMN Surigao gikan sa BFP 39 kabuok panimayay an nalista na nasunog og halos tanan biktima way gajud nadaya na mga gamit kay an iban jadto sa mga trabahuan og eskuyla.Padajon pa na tagpailayuman an imbestigasyon kon unoy gajud hinungdan o sinugdanan sa sunog.(RadyoMaN Jerson Fuentes)
Facebook Comments
