Syudad sang Iloilo-Ini ang pinakauna nga kahigayunan nga nahulig ang Giant Oarfish (Regalecus glesne), ang pinakalaba nga bony fish sa kalibutan paagi sa lambaklad fishing sa Brgy. Malabor, Tibiao, Antique.
Suno kay Mr. Flord Nicson Calawag isa ka Fish Expert kinandan nga Makita ang oarfish sa kadalumon nga 200 meters kag mahimo pa nga makalambot sa kadalumon nga 1000 meters.
Sa iya FB post ginpahayag ni Calawag nga indi mapaathag sang mga biologist kun ngaa ang mga nagapuyo sa madalum nga tubig nagalangoy pahigad.
Subong man may mga possible ini nga kabangdanan.
1. Pagpakot sang linog
2. Naanod sang mabaskog nga balod sa panghigaron
3. Magpakamatay ukon magpaayo
4. Nagapangita sang pagkaon
5. Natublag sang underwater drilling sa ginaagawan nga West Philippine Sea kag
6. Apektado sang basura sa kalalawran
