General Santos City–Gihatagan na ug special permit sa LTFRB 12 ang tanang mga kompanya sa bus ug mga passenger van ug jeep human nag-abli ang border sa mga lugar sulod sa Rehiyon 12. Sumala kang LTFRB 12 Director Reynato Padua, terminal to terminal ang karga sa mga pasahero tungod kung mag-pick up sila ug pasahero sa dalan makonsidera kining pagsupak sa ilahang prangkisa.
Pamahayag niya nga sa karon tanang naga-byahian nga mga pampublikong sakyanan ang adunay dala nga mga special permit pamatuod nga sila gitugutan nga maka-byahe sa ilahang mga ruta. Dugang pamahayag ni Padua nga sa karon Intra Regional pa lang ang ginatugutan nga byahe ug dili pa ang gikan sa gawas sa Rehiyon.
Samtang sa hisgutanang pamasahe, ilaha matud pang gisunod kung pila ang pinakamahal nga minimum nga pamasahe sa kauluhan. Sa karon, strikto nilang ginapatuman ang pagsul-ob ug facemask, face shield ug gina-discourage ang paggamit ug cellphone ingon man pagkaon sulod sa mga pampublikong sakyanan.(LVR)
