LTFRB VI, Nagapanagtag na sang "PANTAWID PASADA CARD" para sa mga Jeepney Drivers.

17

i Balita September 16, 2018 (Photo From Web. No Copyright Infringement Intended)

Ginabanta sa masobra 5,000 ka mga drivers sang depasahero nga jeep sa syudad kag probinsya sang Iloilo ang magabaton sang pantawid pasada card sang Land Transportation Franchising and Regulatory Board upod sa Land Bank of the Philippines.
Suno kay Ms. Janet Solinap, Chief Transformation Development Officer sang LTFRB 6, Hulyo subong nga tuig sang nagsugod sa pag-apply ang mga operators para sa pantawid pasada card sang ila mga drivers.
Nagsugod kaina sang aga ang distribution sang card para sa Iloilo suno kay Solinap kag may yara pa sang distribution sa Setyembre 22 kag 29.
Ginpaathag ni solinap nga direkta nga ihatag sa mga lehitimo nga jeepney operators ang card kag ihatag naman sini sa ila mga drivers agud gamiton sa pagpatughong sang gasolina sa mga accredited gasoline stations sang ahensya.
Tubtub lang sa Disyembre 31 subong nga tuig ang validity sang card suno kay Solinap.
Magadepende suno sa iya sa operators kag drivers kon paanu mapaigu tubtub sa Disyembre 31 ang P5,000 nga fuel subsidy.

Facebook Comments