Nakateana makaron nga buean it Setyembre do paga-ubrahon nga inspeksyon it Land Transportation Office (LTO) sa tanan nga klase it mga saeakyan sa isla ng Boracay.
Suno kay Elsa Castaños, Acting Chief it Land Transportation Office Aklan, sanda eon mismo do mga agto sa Boracay para nga maghimo it pag-inspeksyon bago ro pagpa-renew ko registration it anda nga mga saeakyan.
Dugang kara nga kung matapos ro pag-inspeksyon hay puwedi eon sanda kadiretso sa smoke emission ag mag bakae ko insurance ag pagma-kumpleto do mga requirements hay dato eon do anda nga pag-agto sa Kalibo daea ro mga papeles ag indi eon kinahangean nga daehon pa do saeakyan sa LTO.
Nasayuran nga daya eon do pangatlong dag-on nga naga hiwat it pag-inspeksyon ro LTO sa isla it Boracay.
