Lugar kun sa diin ginapatihan nadula ang seaman nga si Marnel Bulahan, liwat nga ginbalikan sang PNP kaupod ang cadaver sniffing dog sang Philippine Coast Guard!

103

Dumalag, Capiz – Ginkumpirmar ni Police Major Leomindo Tayopon sang Dumalag PNP nga missing sa gihapon ang lawas sang persona nga si Marnel Bulahan nga nadula sadtong bulan pa sang Oktubre 2020.
Suno kay Tayopon sa bulig sang grupo sang Philippine Coast Guard, liwat nga ginbalikan ang lugar kun sa diin ginapatihan ulihi nakit-an ang amo nga persona apang negatibo gihapon ang resulta sa presensya sang lawas ni Bulahan.
Gamit nila ang cadaver sniffing dog nga halin pa sa main office sang Philippine Coast Guard.
Nahibaluan nga ini nga tracker dog amu man ang gingamit sadto sa search kag retrieval operation sang mga bangkay sa giyera sa Marawi City kun sa diin sarang man sini nga matultolan ang bangkay nga nalubong sa kadalumon nga anum ka tapak.
Samtang ginklaro man ni Tayopon nga antes sila nagpatigayon sang paglibot sa lugar, nagpangayo anay ang mga ini sang clearance sa pamilya kag subong man sa mga barangay officials sang Barangay Dolores Dumalag.

📷 Dumalag MPS


Facebook Comments