Kumpirmadong adunay daghanang Lumad dinhi sa Caraga region ang gipanghaylo arun maopil sa rally sa Kauluhan, atol sa ika-45 nga kasumaran sa Martial law.
Kini ang gikumpirma sa Police Regional Office sa Caraga, human usab nga adunay gikareport nga liboang mga taga Mindanao ug taga Visayas ang gikarga sa giabangan nga barko paingon sa Manila.
Gipahayag ni Police Chief Inspector Rennel Serrano, spokesman sa police regional office 13, nga ang maong kumpirmasyun basi usab sa intelligence report nga nadawat.
Hinuon dili makahatag sa numero sa Lumad nga atoa gidala sa Matro Manila si Major Serrano apan tinuod sumala pa ang report.
Gibasihan usab ni Serrano sa iyang confirmation, subay na usab sa iyang kasinatian isip hepe sa lungsod sa Malimono, Surigao del Norte. Ang Malimono usa sa lungsod sa Caraga diin anaa ang nanimuyo ang mga Lumad.
Duda si Major Serrano nga gihaylo ang mga Lumad ug bayad, o dili ba kaha salapi sa ilang pamilya arun moapil sa rally.
“kini usa ka pagpanglinglila ngadto sa mga tribu” si Serrano nagkanayun.
