Davao City – Gidapigan ni Davao City Third District Councilor Carmelo Clarion ang panawagan ni PNP Director-General Oscar Albayalde ngadto sa CPP-NPA-NDFP nga undangon na ang pagpang-recruit sa mga lumad.
Gipaboran ni Clarion ang pag-awhag ni Albayalde ngadto sa kumunistang grupo nga hunungon ang pagdani og mga batan-ong lumad aron musampa sa kalihukan.
Wala nay rason ang mga kumunista nga mangrecruit pa og mga lumad aron makigbatok sa kagamhanan kay wala man nagkuwang si Pres. Rodrigo Duterte sa ilaha, dugang ni Clarion.
Gisaway usab ni Clarion ang leftist group tungod sa padayon nga recruitment ngadto sa mga lumad ug labaw na sa mga kabataan aron himoong rebelde ug kriminal sa gobyerno ug sa katilingban.
Giingon usab ni Clarion nga ang Department of Education-XI lang ang makatubag kun sirad-an ba o dili ang tulonghaan nga nagatudlo og rebelyon ug pakigbatok sa gobyerno sama sa Salugpungan.
RadyoMaN Joel Viray
