Malapatan, Sarangani Province–Gikabutyag ni Malapatan Municipal Mayor Jun Sumbo nga wala sila nakigkompetensiya sa ubang LGU sa pagsaulog niini sa kapaskuhan kung asa gigahinan gayud ug dakong budget aron lamang mamahimong mangarbohon ang maong selebrasyon.
Sumala pa ni Mayor Sumbo nga dili kinahanglan nga mugasto gayud ug dako aron lamang sa pagmontar ug dagkong mga Christmas tree, mga Christmas lights basta ang importante mabati sa katawhan ang espiritu sa Christmas ug magmalipayon ang tanan.
Gani sa iyang munisipyo sa Malapatan simple lamang ang ilang gigamit nga mga butang sa ilang Christmas lights,Christmas decors ug kini gama lamang sa mga recycle materials nga pinaagi niini makuhaan usab ang mga basura. (Reynald Timario)
Facebook Comments
