Nagpahigayon og usa ka recorida kagabie ang mga personahe sa Police Station 5 Macabalan sa Accretion Macabalan ning dakbayan sa pagpanguna ni PO3 Rogelio del Puerto, Assistant Police Non-commissioned Officer ubos sa superbisyon ni Police Sr. Insp. Stephen Benbian Latar, Station Commander.
Sa maong recorida gipahimangnoan ni PO3 del Puerto ang mga residente sa Accretion nga dili mag-inom sa pampublikong lugar sama sa plasa, daplin dalan o mga eskinita.
Gipasabot niini nga dunay ordinansa ang syudad nga 5133-95 alayon na sa maong pahimangno.
Gibutyag ni PO3 del Puerto nga aduna usab kini multa nga tres mil pesos o mahimong macustodiya sa ilang buhatan kung masapong ga-inom sa pampublikong lugar.
Gawas niini, kung mag-inom man sulod nalang sa panimalay o mas maayong dili nalang mo-inom.
