Gisikop sa kapulisan ang usa ka maestro sa Grade 9 sa Cagayan de Oro National High School tungod sa kasong Child Abuse.
Matud ni Macasandig Police Station Commander Police Senior Inspector Julius Saluta, ang maestro mao si Jesser Pairat, taga Barangay Macasandig ning syudad.
Nasayran nga gidakop si Pairat gawas sa maong tunghaan sa Barangay Nazareth pinaagi sa warrant of arrest nga giisyu ni Honorable Judge Evelyn Gamotin-Nery sa branch 19 sa Regional Trial Court.
Usa ka 14 anyos nga lalaki ang biktima ug usa ka atleta samtang coach niini ang nasangpit nga maestro.
Gihubog matud pa sa maestro ang biktima ayha gihilabtan samtang nagpuyo kini sa balay sa suspek.
Gidugang ni Saluta nga nahitabo ang pagmolestiya sa milabayng tuig 2016 ug karon lamang tuiga nigawas ang warrant of arrest.
By: RadyoMaN Annaliza Amontos-Reyes
