Ivisan, Capiz – Dakop sang Ivisan PNP ang mag-asawa nga may kaso nga estafa sa banwa sang Tapaz.
Wala na makapalag pa sang ginserbehan sang warrant of arrest sa kaso nga estafa ang mga akusado nga nakilala kanday Mary Joy Altamia Ong kag Gerard Villasoto Ong, lunsay residente sang Brgy. Ilaya-Ivisan, Ivisan, Capiz.
Suno sa tagreklamo nga negosyante nga si Mr. Meldin Frias, nagalab-ot sa P1.2 million pesos nga balor sang krudo kag gasolina ang natigayon nga makuha sang mga suspek sa iya kun sa diin ini ang gin-isyuhan lamang sang 14 tanan ka tseke nga wala sang pondo.
Ginpahayag dugang ni Frias nga nagpakilala ang mga ini nga subcontractor sang NJ Construction Supply nga nagaobra sang mga housing units sang isa ka dako nga house and lot developer company. Ang nasambitan nga mga persona ang nagapangatubang sang kaso nga paglapas sa Batas Pambansa 22 ukon pagbayolar sa “Bouncing Checks Law”.
Ang amu nga warrant of arrest nga ginpapanaog sa sala ni Judge Esperanza Isabel Poco-Deslate sang RTC Branch 19 napetsahan Mayo 27, 2019 sa diin may yara sang piyansa nga nagabalor sang P180, 000 pesos para sa temporaryo nga kahilwayan sang amo nga mga suspek.
Samtang ginpahayag naman sang hepe sang Ivisan MPS nga si Police Captain Rene Hare nga antes kay Meldin Frias, kapin sa anum na ka mga persona ang nagpadulong sa police station agud nga ireklamo ang nasambitan nga mag-asawa.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
