General Santos City—samad ug bun-og sa nagkandaiyang parti sa lawas ang naangkon sa mag-inahan human nabanggaan ug tricycle sa National Highway nga sakop sa Upper London, Barangay Bawing, Gensan alas 6:00 ang takna kagabie, Feb. 19, 2018.
Biktima giilang silang si Nursaher Ali, 13 anyos, driver sa motorsiklo ug Analyn Ali, legal age, pulos residenti sa Bajao Village, Barangay Bawing ning syudad.
Sumala pa nga sakay sa motorsiklo ang mag-inahan nga gimanihuan sa biktimang minor de edad dihang kalit lang silang nabanggaan sa tricycle nga gimanihuan sa wala mailhing driver.
Tungod sa kakusog sa impact, nakaangkon ug mga samad sa nagkandaiyang parti sa lawas ang mag-inahan kansa gidala dayon sa Dr. Jorge Royeca Hospital.
Samtang suspetsadong driver sa tricycle misibat ug gibyaan lang ang mga biktima.
Sa karon padayon ang gihimong Imbistigasyon sa Traffic Management Unit (TMU) kalabutan sa maong insidenti.
Alang sa updated nga mga balita paminawa ang DXMD RMN-GENSAN sa 927khz sa Dial sa inyong mga Radyo o i Click ang https://rmn.ph/dxmd927gensan/, DXMD Rmn Gensan sa Yout Tube ug Rmn Gensan FB page
