Malampusong nasikop sa mga operatiba sa City Drug Enforcement Unit kon CDEU ang mag-inahan nga nalambigit sa pagpamaligya sa iligal nga druga. Kini atol sa anti-iligal drug buy bust operation nga gilusad kagahapon sa hapon diha sa Brgy. 36 ning syudad sa Cagayan de Oro.
Ang maong operasyon ang gipangulohan mismo ni CDEU Asst. Chief PCapt. Mike Dioren Cavan ubos sa direct supervision ni CDEU Chief PLt.Col. James Gaylan alayon na sa mga personahe sa TSC-RMFB 10 ubos ni Company Commander PMaj. Excyllo Alcantara.
Naila ang mga dinakpan nga sila si Dariel Cañeda alyas Lalay, 27 anyos nga ulitawo’ng walay trabaho ug inahan nga si Lourdes Cañeda, 57 anyos nga minyo ug vendor og sapatos nga ukay-ukay. Silang duha ang residenti sa Yacapin Extension sa nasangpit nga barangay.
Napalitan sa usa ka sachet sa gituhoang shabu ang mga suspetsado nga maoy hinungdan sa ilang pagka-aresto kung diin nakumpiska pa atol sa pagrekisa ang laing duha ka mga sachet sa gituhoang shabu ngadto kang Dariel samtang ang 500 peso bill nga ginamit isip buy bust money ug ang usa ka android cellphone ang nakuha ngadto kang Lourdes.
Gibana-banang motimbang sa 0.8grams ang tanang mga nakumpiskang druga ngadto sa mga suspek nga dunay street market value sa kapin 5,000 pesos.
Detinado na ang mga suspek karon sa Maharlika Detention Cell samtang giandam na ang kaasong pagsupak sa RA 9165 nga ipasaka ngadto sa korte batok kanila.
Kasama mo sa CDEU, RadyoMaN Andy Coco, DXCC Tatak RMN!
