Kalibo, Aklan — Magapangatubang sa kasong “dis obedience upon in person in authority” ag “oral defamation” do magmanghod nga sanday Mark Autencio ag Jaylord Autencio it Barangay Palale, Banga matapos nga mag paeagas ag mag hambae it mga maeain nga tinaga sa mga kapulisan.
Nasayuran nga samtang naga patigayon it checkpoint ro Kalibo Pnp mga alas dyes rong pang orason kabii sa may kahabaon it Mabini St. corner D. Maagma St. kat umagi si Mark ag napan uhan it mga kapulisan nga uwa it suk-sok nga safety helmet, anda nga gin parahan apang sa andang pag para hay nag hana pa nga mag paeagyo raya pero nahaeagas man insigida it mga katapo it kapulisan pero sambilog kanda rong naninahan pagkatapos nga mag sukoe do suspek.
Insigida man nga gin dakop ag gin daea sa Kalibo Pnp pero pag abot sa Police Station, umabot do anang igmanghod nga si Jaylord nga may kaistorya sa cellphone ag nag hambae nga “dinakop it mga gagong pulis it Kalibo do ang igmanghod” rason nga gin inpormahan imaw sa anang pag bayolar ag insigida man nga gin kulong.
Mag eowas sa kasong dis obedience upon in person in authority, magapangatubang pa gid it pag bayolar sa Municipal Ordinance kamana kung driving without safety helmet, driving in the influence of liquor, uwa it OR/CR ag reckless driving samtang Oral Defamation man do pagapangatubangon nga kaso ni Jaylord Autencio.
