Patay ang usa ka mag-uuma human kining gipusil sa wala pa mailhing suspek sa lungsod sa Tupi, alas 5:30 niadtong nakalabayng adlaw.
Giila ang biktima nga si Allan Gula Joloro, 45 anyos, ug residente sa Brgy. Crossing Palkan, Polomolok, South Cotabato.
Sa imbestigasyon sa Tupi Municipal Police Station, igo lang nanugway sa iyang baka ang biktima dihang siya gipusil sa suspek pila ka higayon.
Nakaangkon ug samad sa likod ngaa bahin ang biktima nga nahimong hinungdan sa iyang kamatayon. Gilayon usab nga misibat ang suspek human sa pagpamusil.
Nakuha sa crime scene ang duha ka basyoug 2 ka buhingh bala sa kalibre 45 nga pusil.
Sa karon, nagpadayon pa ang gihimong imbistigasyon sa kapulisan sa maong insidente ug ginasuta pa ang motibo sa pagpamusil.
