Himas-rehas karon ang usa ka mag-uuma nga wanted sa kasong Frustrated Murder nga ang kinsa nadakpan atol sa operasyong gipahigayon sa mga kapulisan pasado alas 8:24 sa buntag adtong Domingo didto sa Purok-2, Barangay Violeta, Malaybalay City, Bukidnon.
Giila ang mag-uumang suspek nga si Ricky Gilwa,44 anyos, minyo, ug residente sa naasoy nga lugar.
Gi-issuehan sa warrant of arrest ang suspek pinaagi ni Eldred D. Cole, Presiding Judge sa Regional Trial Court, 10th Judicial Region, Branch 45, Malaybalay City, Bukidnon, pinitsahan Oktubre 13,2022 nakadokit ilawom sa criminal case no. 39679-22 ug adunay girekomendang piyansa nga mukabat sa P120,000.00 alang sa temporaryong kagawasan.
Gibalhog karon sa Malaybalay City Police Station alang sa tokmang disposasyon.
Facebook Comments
