BACOLOD CITY – Maga-file sang appeal sa Dep-Ed kag WVRAA ang secondary football team sang Negros Occidental matapos nga gin-forfeit ang ila game kag gin-declare nga champion ang Iloilo.
Sa exclusive interview sang RMN Sports, ginpahayag ni coach Ian Combate nga maga-appeal sila sa Dep-Ed Region 6 agud nga madayon ang gin-untat nga game.
Dugang pa ni Combate nga ‘unfair’ naman para sa iya mga players nga na-pierde sila indi bangud sa resulta sang hampang kundi sa nangin desisyon sang tournament officials nga e-forfeit nalang ang amo nga game.
Gina-klaro man ni Coach Ian nga wala ini nag-una panumbag sa referee sabaylo nga siya ang gin-una headbutt sang Ilonggo referee nga si Steve Supresencia.
Ginahingyo man sang Negros Team nga sa ti-on madayon ang rematch dapat indi taga-Negros ukon Iloilo maga-halin ang mga officials.
Samtang, suportado mismo ni Negros occidental Governor Alfredo Marañon, Vice Governor Bong Lacson kag sang City Government of Bacolod ang plano nga appeal sang secondary football team nga rematch kontra sa Iloilo.
