CALATRAVA – Patay ang isa 28 anyos nga live-in partner nga ginkilala kay Girlie Masota sang Barangay Lemery matapos ini nakaagom sang madamo nga lampos, buno kag labo sa iya nga lawas.
Ang barangay Lemery mga lima ka kilometros halin sa police station.
Suno kay PO3 Christopher Ughayon sang Calatrava PNP nga nag-away sanday Girlie kag iya nga bulubana nga si Pedro Britanico, 79 anyos bangod gid lamang sa kwarta.
Pebrero 21 sang hapon, pasado las 4 sang nabatian sang mga kaingod ang duha nga nagalinalisay bangod sa kwarta.
Gulpi lang lang nga nagrinungkadol ang balay tubtob nga naghipos.
Mga las 6, nagguwa sa balay ang suspek, mga mga tinulo sang dugo ang iya pantalon kag nagalibot sa ila balay kag nagapangita sang pala.
Pagkaaga nalang mga las 7:20 sang nahibaluan nga may malain nga natabo sa babaye sa diin nasapwan ang bangkay sini sa ila ugsaran nga nakalubong.
Sang ginkadtuan sang pulis didto nadiskubrehan nga puno sang labo kag buno ang lawas sang ka-live in kag himo sang tawo nga pwerte ang kainit.
Nagsurender naman ang suspek kay Kagawad Danilo Lumanog para atubangon ang kremin.
Narecover ang isa ka kahoy nga mga duha ka tapak nga puno sang dugo nga posibli ginlampos pa sa babaye antis ginbuno lakip man ang P232 pesos nga cash gikan sa duha ka lata nga ginhimo alkansiya.
Mga tatlo na katuig nga nagaupod ang duha bilang maglive-in.
