Ginkilala an mga biktima nga hi Ricardo Yarte, 48 anyos ngan Christian Yarte, 19 anyos nga mga residente han Sitio Baliacao Brgy Pinamonoan Mahaplag Leyte.
Ha impormasyon nga nakuha tikang ha Mahaplag MPS, samtang sakay an duha nga biktima han motorsiklo ha nasabi nga lugar in tigda hira ginpamumusil han suspek nga kinilala kan Edmar Olantique, 24 anyos, usa nga security guard nga residente han Sito Paraiso ha lugat.
Naigo an mga biktima ha magkalain-lain nga parte han ira lawas nga nagin resulta han dayon pagkamatay han ni Ricardo.
Nagpapatambal naman yana ha hospital an iya anak.
Nakakalagiw an suspek mahuman mabuhat an krimen pero ine dayon nga naaresto ha gin buhat nga hot pursuit operation han kapulisan.
Sumala ha PNP, ginntutuohan nga personal nga delito an rason han pagpusil han suspek ha mga biktima.
Paslak na ine yana ha Mahaplag MPS agud atubangon an iya kaso.
