Nagpakitabang sa Police Station 5, Macabalan si Lolita Quitol, 55 anyos, minyo uban sa iyang bana nga si Alfredo Quitol, 57 anyos kinsa parehong residente sa Barra, Barangay Macabalan batok sa nag-abang sa ilang balay nga sila Mr. & Mrs. Nangkil.
Saysay sa magtiayon nga niadtong bulan sa Oktubre sa milabayng tuig, nanghulam og kwarta silang Mr. & Mrs. Nangkil nga nagkantidad sa 13 mil pesos ug mipasalig nga mobayad kung madawat na nila ang hazard pay sa Oro Port.
Natingala nalang ang magtiayon dihang nadawat na sa ilang renter ang hazard pay tungod kay giunhan lang sila sa singko mil pesos.
Dugang pahayag ni Alfredo Quitol nga niadtong Pebrero 19, mibalik kini og paningil sa pamilya Nangkil apan kalit nasuko hinoon ang utangan ug mibungat sa mga pulong “ Mobalik gani to karon paagasan gyud nako to og dugo! Nganu man diay og pulis na iyang anak”.
Tungod sa maong hitabo, gibati’g kahadlok ang biktima hinungdan nga misumbong kini sa kapolisan ug gi-refer na ang maong kaso sa Barangay Lupon.
