Magulang gidunggab sa manghod-patay

135

General Santos City—patay ang 48 anyos nga magulang human giunay ug dunggab sa iyang kaugalingong manghod kagabie sa may Purok 2, New Society, Polomolok, South Cotabato.

Ang biktima giilang silang si Greenvel Mendoza, 48, residenti sa purok 2, Barangay New Society, Barangay Apopong, Gensan.

Nasayran nga nag inum ang biktima ug ang suspek sa panimalay sa pamilyang Legaspi sa may Purok 4, New Society, dihang nahubog ang magulang, miuli kini sa ilang panimalay, pila ka minutos ang nakalabay, miuli usab ang manghod pag abot sa ilang panimalay, naglalis ang mga nahisgutan.


Tungod sa tumang kasuko sa suspek sa iyang magulang mikuha kini ug kutsilyo dayon gidunggab ang biktima igo sa iyang wala nga bahin sa dughan nga nahimong hinungdan sa iyang kamatayon.

Gidala pa sa ilang mga kabanay sa Mindanao Medical center ang biktima apan gideklara kining dead on arrival.

Malampuson usab nga nasikop ang suspetsadong manghod ug kasamtangan na karon nga balhog sa silda sa Police Station 2.



Sa kasamtangan ginasuta pa sa kapulisan ang hinungdan sa panaglalis sa duruha nga misangko sa pagpanunggab patay .

Facebook Comments