Nagtuga it perwisyo sa mga motorista ro eobak-eobak nga karsada sa Brgy. Caticlan proper sa banwa it Malay partikular sa may market area ag sa gina-agyan mismo it mga turista paagto sa Jetty Port.
Ro nasambit nga karsada makaron hay masyado eon nga samad ag gina tiniran it tubi kung siin may una eon nga natabong mga aksidente bangod sa samad nga karsada.
Sa session ko SB Malay ko Martes ging paabot mismo ni LIGA President Julieta Aron sa anang mga kaibahan sa konseho ro raya nga concern bangod sa dismayado imaw sa itsura makaron it karsada ag imaw man mismo do kapitana it Caticlan.
Dahil kara nagdesisyon man do SB nga ipatawag sa masunod nga session do opisina it DPWH para masayran kung ano ro anda nga plano bangod nasayuran nga may una eon nga request si Mayor Ceciron Cawaling sa andang opisina para sa rayang karsada.
Samtang nasayuran man nga nagpadaea man it sueat si Aklan District Engr. Noel Fuentebella sa LGU Malay kaangot sa raya nga pag-construct dapat it karsada pero kabuhay eon ag uwa gihapon hataw-an it aksyon.
